شهر رمضان وهيفاء وهبى

كنت فى غايه الحزن والهم مع اقتراب شهر رمضان , فمع كثره الطلبات من الزوجه والاولاد وبدايه العام الدراسى فى شهر رمضان ورغبه زوجتى فى تغير السياره كما فعلت صديقتها وهما مش احسن مننا وبالمره نجيب طلبات رمضان مره واحده من كارفور او مترو والاولاد طلبوا منى مصاريف المدارس من كراسات ودروس خصوصيه وملابس مدرسيه كله مره واحده بلا رحمه مع انه شهر الرحمه
فجأه اتصل بى صديق الطفوله على التليفون المحمول وقال لى مبروك يا عم بصوت فيه فرحه . قلت له خير : علاوه اونطه من بتوع حسنى مبارك تتكلم عنها الجرايد شهور وتضيع فى ثانيه؟ رد وقال لى لأ مفيش علاوه. قلت له طيب ترقيه جديده وفلوس فى السكه ؟ برضه قال لى مفيش ترقيه؟ طيب مبروك على ايه؟ قال لى مبروك يا عم هيفاء وهبى هى بطله فوازير رمضان بعد الافطار . ومخبيش عليكوا بعد ماكنت حزين مهموم فجأه شعرت بانى طاير من الفرحه مش عارف اعمل ايه .. قلت اجيب تليفزيون ملون مسطح كبير الحجم بالالون من العربى بالموسكى علشان اشوف هيفاء وهبى بعد يوم طويل من الصوم والعطش والعباده هى بترقص يمين وشمال وتنط فوق وتحت وتدلع نفسها وتثير الغزيره اللى كانت نايمه مع الصيام . دى هيفاء يا عم دى دلوعتى انا ياعم وبعدين دى مره فى السنه يا سيدى هى جت علينا احنا الغلابه بس ولهذا قررت ان انشر السعاده على الجميع حتى يعلموا بهذا الخبر السعيد فبشرى لاهل مصر وقاهره المعز والامه الاسلاميه بوجود هيفاء وهبى كنجمه فوازير شهر رمضان بعد الافطار فهذه هى البدايه والطريق الصحيح لتحرير المسجد الاقصى والقدس والارض العربيه المحتله وصوما مقبولا وافطارا شهيا على رقصات هيفاء ودلوعتى انا فى الفوازير الرمضانيه و تحيه لتلفزيون مصر العربيه على هذا الاتجاه الكبير فهذه هى اولى الخطوات للوصول الى سطح القمر وهذه هى البدايه الصحيحه للنهوض والارتقاء بالمجتمع. لكن ياترى عندى سؤال : اذا هيفاء هى نجمه الافطار فى رمضان مين هى اللى هتبقى نجمه السحور
ولكى الله يامصر

بلا عنــــــــوان

بعد احتلال اسرائيلى لمده 12 عام لشبه جزيره سيناء واستشهاد اكثر من 120 الف شهيد وعدد من المصابين والارامل لا توجد احصائيات دقيقه عنهم يمر 27 عام على عيد تحرير سيناء وهو 25 ابريل 1982 وان كنت افضل ان يكون الاحتفال بعيد تحرير سيناء عندما رفع علم مصر على ارض طابا بعد ان نجحت مصر فى جهودها الدبلوماسيه وطلبت اللجوء للتحكيم الدولى فى نزاعها مع اسرائيل وفشل اسرائيل فى نوايها الخبيثه بالاحتفاظ بطابا على انها ارض اسرائيليه واستعادت مصر طابا بقرار التحكيم الدولى فى 19 مارس 1989 لكن السؤال الذى يفرض نفسه بعد 27 عاما . ماذا فعل حسنى مبارك وحكومته بهذا المولود الجديد

حسن شحاته والابتسامه فى خبر كان

يتميز حسن شحاته المدير الفنى لفريق كره القدم المصرى بكفاءه عاليه وحس وطنى قوى بالاضافه الى طريقه لعبه الهجوميه فهو غير اخرون كانوا اخترعوا حاجه اسمها تمثيل مشرف ليس لها معنى فلم يغيروا ويحقققوا شئ لمصر
ولكن الحاجه الغريبه فى كابتن حسن شحاته انه لا يضحك سواء كسب المنتخب او تعادل فلو سمحت يا كابتن حسن اتفرج على اى دورى اوروبى وشوف المدير الفنى شكله ايه بلاش يا كابتن حسن الاسلوب بتاع الرجل الصارم فى اداره الموقف فيمكن ان تكون مبتسم وحازم فى نفس الوقت لان بصراحه العمليه مش ناقصه حزن ونكد ودراما كفايه علينا مبارك وايامه اللى ربنا وحده يعلم بيها

رود بلاجو فيتش

باراك اوباما عندما قدم استقالته من منصب السيناتور عن ولايه الينوى واصبح المقعد خاليا ومن حق حاكم ولايه الينوى رود بلاجوفيتش كما ينص القانون ترشيح احد الشخصيات لمقعد السيناتور من خلال انتخابات ديموقراطيه . المشكله هنا ان حاكم الولايه قرر بيع او اخذ مقابل مادى مقابل ترشيح هذا الشخص وتم تسجيل مكالمات تليفونيه من مكتبه ومنزله تؤكد تورطه من خلال اجهزه تنصت قام بوضعها رجال مكتب التحقيقات الفيدراليه وفى احدى هذه المكالمات يطالب براتب ووظيفه لزوجته مقابل 150 الف دولار سنويا وتبرع اجبارى لاحد الجمعيات بما يوازى هذا المبلغ ايضا وتطرد بعض اعضاء صحيفه شيكاغو تربيون لانهم ينتقدون سياسته فى اداره الولايه وتم عمل اجتماع لمجلس ولايه الينوى وعزلوا حاكم الولايه لما بدر منه من فساد مادى واخلاقى لا يصح ان يمثل اهل الولايه . لغايه كده الموضوع جميل . ديموقراطيه حقيقيه وسلطه اعلى من سلطه . تعالى شوف الفضايح للى فى مصر . اهل الفساد بالاسم منشوره بالمتستنادات الاصليه فى الجرائد وناس بتسرق مليارات مش ملايين واسماؤهم معروفه واستغلال سلطات عينى عينك . اشيلك دى مقابل دى . وسرقه اراضى دوله وببيع مصانع الشعب مقابل عمولات
البلد اخر مسخره الى حين ميسره وهى دى الديموقراطيه على الطريقه المباركيه

كيف تعيش بمصر اذا كنت من معدومى الدخل

اسره مكونه من اربع افراد -
اربعه ارغفه فى اليوم للفرد اى حوالى 480 رغيف- 24 جنيه
2 كيلوا لحم – 66 جنيه
4 كيلو فراخ – 40 جنيه
20 بيضه – 10 جنيه
20 كيلو طماطم – 30 جنيه
10 كيلو بصل – 20 جنيه
2 كيلو سمنه – 26 جنيه
6 كيلو زيت – 36 جنيه
5 كليو جبنه ابيض قريش – 30 جنيه
15 طبق فول مدمس – 15 جنيه
5 كيلو ارز – 7 جنيه ونص
5 كليو مكرونه – 20 جنيه
10 كيلو سكر – 30 جنيه
توابل – 10 جنيه
كيلو عدس – 8 جنيه
شاى – 15 جنيه
الخضروات مثل البقدنوس والجزر والسبانخ والكرنب وغيرها – 50 جنيه
10 كيلو بطاطس – 20 جنيه
5 كيلو لبن – عشرين جنيه
كيلو عسل اسود – 9 جنيهاى ان التكلفه الغذائيه لاسره مكونه من اربع افراد هى 472 جنيه شهريا علما اننا لم نحسب تكلفه الفاكهه وميزانيه الملابس والمدارس والدروس الخصوصيه والمواصلات وتكاليف الدكتور اذا مرض احد افراض الاسره وعاش حسنى مبارك وعاش التوريث

مصر فوق صفيح ساخن

فى دراسه صادره مؤخرا عن المركز القومى للبحوث الاجتماعيه والجنائيه بالقاهره ذكرت ان المصريين ينفقون 147 مليون جنيه سنويا على الشعوذه والدجل 70% منهم من النساء ويذهبن بغرض فك النحس وهروب العرسان وعمل احجبه وتعاويذ لجلب العرسان او منع الزوج من الزواج باخرى وكلها مشاكل اجتماعيه سببها نفسى وليس سحر او مس او جن العلاج بسيط للقضاء على هذه الظاهره . تدخل اجهزه الدوله والاهتداء بالدين الحنيف

ليتنى ما احببتك

لبتنى ما عرفتك

ليتنى ما قبلّتك

لتنى ما احببتك

انتى خائنه .. عنم انت

لماذا وما هو السبب

قالت انه – انــــــــــــــا

أنـــا – آه يا لوعتى

كيف يا صديقى

يكون المجنى والجانى

فى آن واحــــــــــــــد

هل نحن فى زمن الاحلام

كلا اننا فى زمن بلا آمان

لا يرحم وليس به انظار

انه زمن جاء بلا آوان

ليدمر الوفاء والصفاء

ليقضى على الحب

ويبقى على الشقاء

مع اننا تعلمنا

ان الحب هو الحياه

وانه ولا حياه بلا حب

ولكن مهما كان الزمن قاسيا

فيجب ان يكون حبك اقوى منه

انه الحب الابدى

الذى لا نيهار مع ثورات البراكين

وهذات الزلازل واقوايل القائلون

ويا لوعتى – لقد كنتى ضعيفه

وضاع الحب معك

وكانت النهايه من صنع يديك

وكان حبك هو نهايه حكايتى

خالد الاسكنــــدرانى

صحي النوم يا حكومة مبارك

اذا شاهدت صحراء النقب في اسرائيل "" فلسطين المحتلة "" سوف تشاهد ارض خضراء كيف؟؟

انها مياه جوفية مصرية لا تستخدمها مصر فتذهب الي اسرائيل من خلال شريط حدودي طوله 180كيلو متر هي حدود مصر المباشرة مع اسرائيل --- وبالتالي استثمرت في اسرائيل وحولت الصحراء الي ارض خضراء

سيناء

احتفلت حكومة حسني مبارك بعيد تحرير سيناء علي طريقتها الايجابية كالاتي

اختيار العريش لكي تكون مركز للاحتفال بيوم المرأة العالمي الذي شهد رسالة سلام من السيدة سوزان مبارك يهدف الي تغطية دور المرأة في المجتمعات المصرية من ريف الوادي وبدو الصحراء الي القاهرة (( ازاي مش عارف )) س

زيارة جمال مبارك الي العريش ولقائه بشباب جامعة العريش

مؤتمر الترويح للاستثمار الذي اقيم في جامعة سيناء بقيادة رئيس الوزراء و وزراء الاستثمار والتنمية والادارة المحلية ولجان من وزارة الدفاع والداخلية والصناعة والتجارة والسكان والامن القومي بهدف تفعيل المشروع القومي لتنمية سيناء

وبعدين اكلوا حلاوة واكلوا جاتوه واكلوا كل اللي يحبوه وروحوا علي بيوتهم وسيناء تبقي فاضية لمدة سنة كمان وتبقي السنة الجاية 28 لعيد تحرير سيناء الغاضبة وشوية مؤتمرات وخطب وتحيا اسرة مبارك الحاكمة وحكومتها وبس خلاص هو ده اللي عندنا

غادة عبد الرازق

انا لم اشاهد اي عمل فني لغادة عبد الرازق ولا اعرف عنها سوي انها انفصلت عن زوجها المخرج وليد التابعي الذي لا اعرفه والذي لم اشاهد اي عمل سينمائي له اذا كان مخرج

وجه اعتراضي هو تقريبا نصف صفحتي كاملة عن طلاق غادة عبد الرازق الطلقة الثالثة وانها صغيرة علي حد قولها وعندها الاستعداد للحب مرة اخري والزواج مرة اخري بعد سبع سنوات زواج واستحالة العشرة بينها وبين زوجها المخرج الذي لا اعرفه ... طيب وانا مالي ومال المشكلة دي وايه اللي اتغير في حياني سواء طلقت او تزوجت او حتي حتبقي عانس

من هي غادة عبد الرازق وماذا ساهمت وفعلت من اجل مصر هل علي سبيل المثال قامت بإنشاء جمعية لانقاذ اطفال الشوارع وتعليمهم حرفة او جمعية لاطفال السرطان او تبرعت بمنشأة تملكها لأي جهة خيرية للمساهمة في علاج الفقر في المجتمع المصري

لماذا تقريبا نصف صفحتي عن غادة ماذا قدمت لمصر وشعب مصر لقد تحولنا الي مجتمع هايف وفاشل بوجود امثال غادة عبد الرازق بيننا يستفيدون ولا يفيدوا المجتمع ......... لكي الله يا مصر

المفتش كرومبو

المفتش كرومبو

يبحث المفتش كرومبو عن رئس دولة عربية حط شعبها كله علي نار مشويه من أسعار المواد الغذائية والتموينيةومتاعب الحياة اليومية والمواصلات الزحمة بلا رحمة وأسعارأدوية غالية في السما من غير لزمه وعلاج مجاني تأخذ معه هدية فيروس كبدي لما تخرج من المستشفي وتعليم فاشل مجاني برضه تأخذ معه شهادة بطالة لما تخرج من الجامعة وشباب بيموت في البحر المتوسط بيدور علىفرصة في أوروبا من غير واسطة وبنات مش لاقيه تتجوز ومحدش حل مشاكلهم أكنهم ملهومش لازمه وشقق سكنية اسعارها أغلي من سعر شقق أوروبا وأماكنها علي الطرق الصحراويه بلا خدمات او بنية تحتيه و شلة حرامية قاعده بجانب الرئيس تسرق ليهم ولأسرهم لمئة سنة جايه و طبعا فساد يمين وشمال وفلوس شعب بتتسرق ليل ونهار ومن كترها بيدوها للبوش ليه لأ أصلها بلوشى وفلوس كتير من غير حساب وعمولات وبدلات ماهو أصل مفيش قانون يحكم الباشوات و القضاء أخذ أجازة علشان الانتخابات الجاية تكون للتوريث وليه لأ كل حاجة فى بلدنا توريث ابن أستاذ الجامعة بيبقى معيد وابن لواء الشرطة والجيش بيبقى ظابط وابن الرئيس لازم يبقى رئيس دى بلد التوريث.اشمعنا يعنى ابن الرئيس يا حاقدين ميبقاش رئيس انتوا فاكرين نفسكوا فى أمريكا هيبقى عندكم أوباما.كفاية عليكم مسلسلات الدراما..المهم علشان منروحش بعيد,المفتش كرومبو بيدور على مساعدة على معرفة البلد دى ورئيسها فسأل حمبوذو لاوى بوزو اللي خاف يقول اسم البلد ؤرئيسها...تفتكر مين رئيس البلد وأي بلد المفتش كرومبو عايز اسمها علشان يحل لغز التوريث.

ممكن تساعد المفتش كرومبو بس خلى بالك من عيالك