حملة كلنا خالد سعيد وسنابل لدعم القصر العيني

يســــــــــــــــقط حـــــــــكـــــــــــــــــــــم العــســــــــــــــــــــكر و الاخــــــــــــــوان اوع تنزل الميدان يوم 20 ابريـــــــــــل

بلغني أيها الملك السعيد...ذو الرأي الرشيد بأن الاخوان بعد ما ضحكوا علي الشعب التعبان باكياس الفول والعدس والبذنجان وشوية سكر كمان في شنطة رمضان وكانت النتيجة انهم كسبوا البرطمان وحققوا حلمهم بتاع زمان للوصول الي السلطة بائ شكل كان... حتى لو كان علي حساب الشعب الغلبان. ولما سيطروا علي البرطمان اخدوا الشعب في خبر كان الي قاع البرطمان في الكلام اللي مالوش لزمه ولايساهم في حل مشاكل الشعب الحيران واخدوا الشعب في دائرة التوهان بعد ما قالوا المخلوع لازم ينام في طره من الان ولسه المخلوع بينام في المركز الطبي ب9مليار من دم الشعب الغلبان. وبعد ما ضحكوا علي الشعب بان الاسلام هو الحل رئيس البرطمان بيركب عربية  بمليون جينه واكتر كمان.وبعد فضيحة مرتب رئيس البرطمان من المساعد مهران بان مرتبه في الشهر 750 الف جينه وطبعا قال انه بيتبرع بالفلوس كلها لوجه الله طيب اعمل حد اعلي للمرتبات علشان تحافظ علي اموال الشعب  او قولنا انت بتتبرع بالفلوس في اي مكان ولا بس هو كلام في كلام. وبعد البرطمان ماعمل لجنة تقصي حقائق لحق الشهداء نزل اوكازيون البراءة علي ضباط الداخلية بمباركة الاخوان والبرطمان . والبلد فيها كل يوم ازمة والجنزوري ملوش لازمه من بوتاجاز وبنزين وسولار وعيش وانفلات امني وخط انابيب الملثم رايح جاي يولع فيه وحوادث مرور في كل مكان وسرقة سيارات اكن مصر عامله زي فيلم امريكي وغلاء اسعار زي النار ومخالفات مباني في كل مكان واصبحت البلد مثل حديقة الحيوان. ولما الاخوان قالوا للمجلس السمكري ان البرطمان عايز يسحب الثقة من الحكومة كشر المجلس  العسكري انيابه وقال الا الحكومة يأخوان والا المجلس يحل البرطمان وترجعوا محظورة زي زمان زي ماعملتوا مع الثورة والثوار...وكده مصر تاهت بين اطماع المجلس والاخوان ورجعت تاني لعصر الحرامية والعسكر والبذنجان  وسلم لي علي الترمواي. وهنا ادركت شهر زاد الصباح فسكتت عن الكلام المباح ولكنها صرخت باعلي صوت  يسقط حكم العسكر والاخوان.  

المرجيحة جامدة شعبى